"Real" himoyachisi Din Xyoysen jamoadoshi Tyago Pitarch bilan avtomobilda telefon ushlab tushgan surati tarqalganidan so‘ng ijtimoiy tarmoqlarda tanqidlarga uchradi.
Madrid klubi muxlislari futbolchini Ispaniya qonunchiligini buzganlikda ayblab, uning xatti-harakatini keskin tanqid qildi.
"U bir vaqtning o‘zida xabar yozyapti va mashina haydayapti. Keyin esa buni yana internetga joylayapti", — deb yozdi foydalanuvchilardan biri.
Xyoysen Ispaniya terma jamoasi bosh murabbiyi Luis de la Fuente uni JCH-2026 uchun qaydnomaga kiritmaganidan so‘ng yana milliy jamoaga chaqiruv oldi.
Himoyachi 10 oktyabr kuni "Real"ning "Vilyarreal"ga qarshi navbatdagi uchrashuvida diskvalifikasiya sabab ishtirok etmaydi. U xalqaro tanaffus oldidan "Atletiko"ga qarshi Madrid derbisida (1:2) qizil kartochka olgan edi.
