Irlandiya terma jamoasi bosh murabbiyi Xeymir Xadlgrimsson Isroilga qarshi ikki uchrashuvdan so‘ng UYEFAni kelajakdagi turnirlar qur’asida bu ikki jamoani bir-biridan ajratishga chaqirdi.
Mutaxassis Millatlar ligasidagi o‘yinlar haqida gapirar ekan, "Bu barchamiz uchun og‘ir sinov bo‘ldi", — dedi.
Yakshanba kuni jamoalar Millatlar ligasi 4-turi doirasida Serbiyaning Bachka-Topola shahrida tomoshabinlarsiz o‘tgan uchrashuvda 1:1 hisobida durang qayd etdi. Bundan avval Irlandiya Vengriyada o‘tgan 3-tur bahsida Isroilni 3:0 hisobida mag‘lub etgan edi.
Uchrashuvlar atrofidagi vaziyat haqida Xadlgrimsson shunday dedi:
"Hammasini anglab olish va keyin oldinga harakat qilish uchun bizga vaqt kerak. Bunday payt dushmanlarni tanib olish uchun ham eng yaxshi fursat: yerda yotganingda va seni tepishganda, kim zarba berishga harakat qilganini ko‘rish oson bo‘ladi".
Kelajakda ikki jamoa yana o‘zaro o‘ynashi kerakmi, degan savolga murabbiy quyidagicha javob berdi:
"Yo‘q, kerak emas. Buni hal qilish bizga emas, UYEFAga bog‘liq. Hech bir milliy terma jamoa biz so‘nggi ikki haftada boshdan kechirgan holatni boshidan o‘tkazishini istamasdim. UYEFA aralashishi va chora ko‘rishi kerak", — dedi Hadlgrimsson RTÉ telekanali efirida.
