Ирландия терма жамоаси бош мураббийи Хеймир Хадльгримссон Исроилга қарши икки учрашувдан сўнг УЕФАни келажакдаги турнирлар қуръасида бу икки жамоани бир-биридан ажратишга чақирди.
Мутахассис Миллатлар лигасидаги ўйинлар ҳақида гапирар экан, "Бу барчамиз учун оғир синов бўлди", — деди.
Якшанба куни жамоалар Миллатлар лигаси 4-тури доирасида Сербиянинг Бачка-Топола шаҳрида томошабинларсиз ўтган учрашувда 1:1 ҳисобида дуранг қайд этди. Бундан аввал Ирландия Венгрияда ўтган 3-тур баҳсида Исроилни 3:0 ҳисобида мағлуб этган эди.
Учрашувлар атрофидаги вазият ҳақида Хадльгримссон шундай деди:
"Ҳаммасини англаб олиш ва кейин олдинга ҳаракат қилиш учун бизга вақт керак. Бундай пайт душманларни таниб олиш учун ҳам энг яхши фурсат: ерда ётганингда ва сени тепишганда, ким зарба беришга ҳаракат қилганини кўриш осон бўлади".
Келажакда икки жамоа яна ўзаро ўйнаши керакми, деган саволга мураббий қуйидагича жавоб берди:
"Йўқ, керак эмас. Буни ҳал қилиш бизга эмас, УЕФАга боғлиқ. Ҳеч бир миллий терма жамоа биз сўнгги икки ҳафтада бошдан кечирган ҳолатни бошидан ўтказишини истамасдим. УЕФА аралашиши ва чора кўриши керак", — деди Ҳадльгримссон RTÉ телеканали эфирида.
