«Portu» prezidenti Andre Villash-Boash Joze Mourinyoning Madridning «Real» klubidagi faoliyati haqida fikr bildirdi.
Eslatib o‘tamiz, 63 yoshli portugaliyalik mutaxassis joriy yil yozida «Real» bosh murabbiyiga aylangan.
«Joze hamon dunyodagi eng yaxshi mutaxassislar qatorida, men buni doim bilganman. Hozir u dunyodagi eng yaxshi klubni boshqarmoqda. Faqat «Barselona»ning holati juda yaxshi ekani afsusli. U yana «Barselona» bilan aynan ular uchun juda yaxshi pallada to‘qnash kelmoqda, xuddi «Inter»ni tark etgan paytidagidek. Ammo aynan shunday qiyinchiliklar Mourinyoga yoqadi», — deya Villash-Boashning so‘zlarini Corriere dello Sport keltirmoqda.
La Liganing yetti turidan so‘ng «Real» 15 ochko bilan 4-o‘rinda bormoqda.
