«Порту» президенти Андре Виллаш-Боаш Жозе Моуриньонинг Мадриднинг «Реал» клубидаги фаолияти ҳақида фикр билдирди.

Эслатиб ўтамиз, 63 ёшли португалиялик мутахассис жорий йил ёзида «Реал» бош мураббийига айланган.

«Жозе ҳамон дунёдаги энг яхши мутахассислар қаторида, мен буни доим билганман. Ҳозир у дунёдаги энг яхши клубни бошқармоқда. Фақат «Барселона»нинг ҳолати жуда яхши экани афсусли. У яна «Барселона» билан айнан улар учун жуда яхши паллада тўқнаш келмоқда, худди «Интер»ни тарк этган пайтидагидек. Аммо айнан шундай қийинчиликлар Моуриньогa ёқади», — дея Виллаш-Боашнинг сўзларини Corriere dello Sport келтирмоқда.

Ла Лиганинг етти туридан сўнг «Реал» 15 очко билан 4-ўринда бормоқда.