Ezri Konsa Xorvatiya ustidan qozonilgan g‘alaba vaqtida son mushagidan yangi jarohat olganidan so‘ng Angliya terma jamoasi lagerini tark etdi va davolanish uchun "Arsenal"ga qaytdi. Shu sabab u Chexiyaga qarshi uchrashuvda ishtirok etmaydi.

Tomas Tuxelning aytishicha, himoyachi yig‘in davomida noqulaylik his qilib kelgan. U Ispaniyaga qarshi o‘yinda og‘riqqa qaramay maydonga tushgan, Chexiyaga qarshi avvalgi uchrashuvni esa o‘tkazib yuborgan.

"U Xorvatiyaga qarshi o‘yinda qatnashish uchun qo‘lidan kelgan barcha ishni qildi. Tibbiy ruxsat oldi, barcha mashg‘ulotlarni to‘liq o‘tkazdi va o‘ynashga tayyor edi.

Afsuski, u son mushagiga yana bir zarba oldi. Bu yengil shikastlanishga sabab bo‘ldi va biz uni og‘riq bilan o‘ynashga majbur qilmaslikka qaror qildik", — dedi Tuxel.

Mutaxassis jarohat jiddiy emasligini ham ta’kidladi:

"Menimcha, jiddiy muammo yo‘q, ammo tavakkal qilishga arzimaydi", — dedi Angliya bosh murabbiyi.