Angliya Premyer-ligasi klublari mustaqil komissiyaning moliyaviy qoidalarni buzish bo‘yicha ish yuzasidan chiqargan qaroriga «Manchester Siti»ning apellyasiyasi rad etilgan taqdirda, klub kelasi mavsumda chempionatda ishtirok etmasligi mumkin deb hisoblamoqda. Bu haqda Sky Sports xabar berdi.

«Manchester Siti»ning raqiblari klubga ochkolardan mahrum qilish ko‘rinishidagi jazo, agar jamoaga APLdan tashqarida faqat bir mavsum o‘tkazish imkonini bersa, yetarli bo‘lmaydi deb hisoblamoqda.

Manbaga ko‘ra, liganing boshqa klublari jazo komissiya qaroriga ko‘ra to‘qqiz mavsum davomida sodir etilgan qoidabuzarliklar ko‘lamiga mos bo‘lishi kerak, degan fikrda. Shuningdek, klublar ko‘p yillik tergov jarayonining APL obro‘si va imijiga ta’siridan ham xavotirda.

«Manchester Siti» APLning jiddiy moliyaviy qoidalari buzilishi bilan bog‘liq barcha ayblovlar bo‘yicha aybdor deb topilgan. Klub esa qoidabuzarliklarni inkor etmoqda va komissiya qarori ustidan allaqachon apellyasiya bergan.

Agar apellyasiya rad etilsa, keyingi bosqichda jazo choralarini belgilash masalasi ko‘rib chiqiladi. Komissiya turli sanksiyalarni, jumladan jarima, ochkolarni olib tashlash va boshqa sport jazolarini qo‘llashi mumkin.