Italiya terma jamoasi Turkiya ustidan g‘alaba qozonganidan so‘ng bosh murabbiy Roberto Manchini Franchesko Espozito haqida iliq fikrlar bildirdi. Mutaxassis yosh hujumchini o‘tmishning ikki mashhur forvardi — Kristian Vyeri va Luka Toni bilan taqqosladi.
«Espozito gol urishga juda chanqoq va doimo o‘ynashni istaydi. Bu jihatdan u alohida futbolchi. Yana bir necha yildan keyin u sheriklarini ham o‘yinga oson jalb qila oladigan kuchli markaziy hujumchiga aylanishi mumkin — xuddi Vyeri, Toni va shu tipdagi boshqa forvardlar kabi.
O‘yin uslubi bo‘yicha u Vyeriga unchalik o‘xshamaydi, balki Tonini ko‘proq eslatadi. Ammo uning texnikasi va o‘yin sifatlarini hisobga olsak, u bemalol buyuk hujumchiga aylanishi mumkin», — dedi Manchini.
Eslatib o‘tamiz, «Inter» futbolchisi Turkiyaga qarshi uchrashuvda Italiyaning uchinchi golini urdi.
