Fransiya terma jamoasi bosh murabbiyi Zinedin Zidan Millatlar ligasida Belgiya ustidan 4:1 hisobidagi g‘alabadan so‘ng Maykl Oliseni alohida e’tirof etdi.
«Bavariya» vingeri uchrashuvning 60-daqiqasida, Fransiya 0:1 hisobida ortda borayotgan paytda zaxiradan maydonga tushdi. Shundan so‘ng u ikki gol va bitta golli uzatma qayd etib, jamoasining o‘yinni o‘z foydasiga burib yuborishida katta rol o‘ynadi.
O‘yindan keyingi matbuot anjumanida Zidandan Oliseni dunyoning eng yaxshi futbolchisi deb hisoblaysizmi, deb so‘rashdi.
«So‘z topolmayapman. Uning o‘yini — mutlaqo favqulodda», — dedi Zidan.
Maykl Olise Millatlar ligasining joriy mavsumida to‘rtta uchrashuvda 4 ta gol urdi va 2 ta golli uzatma berdi.
