Xorvatiya terma jamoasi sardori Luka Modrich Angliyadan 0:7 hisobidagi yirik mag‘lubiyatdan so‘ng jamoaning holati haqida fikr bildirdi.
Yarim himoyachi Millatlar ligasidagi navbatdagi uchrashuv oldidan xorvatiyaliklar qaysi jihatlarda o‘z o‘yinini yaxshilashi kerakligini aytdi.
«Avvalo, ruhiy tayyorgarlik, jipslik, fidoyilik, jangovorlik va tajovuzkorlik borasida kuchayishimiz kerak.
Futbolda ham, hayotda ham ko‘tarilishlar va pasayishlar bo‘lib turadi. Endi boshimizni ko‘tarib, haqiqiy kuchimizni ko‘rsatishimiz kerak», — dedi Modrich matbuot anjumanida.
Xorvatiya va Ispaniya terma jamoalari 6 oktyabr kuni Split shahrida o‘zaro bahs olib boradi. Millatlar ligasi 4-turidan o‘rin olgan uchrashuv «Polyud» stadionida o‘tkaziladi.
