«Milan»ning belgiyalik yarim himoyachisi Aleksis Salemakers jarohat olgan va jarrohlik amaliyotini boshdan kechirishi kerak. Futbolchi ushbu xabardan ranjigan muxlislarga murojaat qildi.

«Bunday lahzalarni boshdan kechirish oson emas. Futbolni sevsangiz, maydondan, jamoadoshlaringizdan va eng yaxshi ko‘rgan mashg‘ulotingizdan uzoqda qolish juda og‘ir bo‘ladi.

Bu qiyin davr, ammo men uni sabr va qat’iyat bilan yengib o‘taman. Sevimli ishimga qaytish istagim esa yanada kuchayadi.

So‘nggi kunlarda menga yozgan va qo‘llab-quvvatlagan barcha muxlislarga, jamoadoshlarimga, klub xodimlariga, do‘stlarimga va har bir insonga chin dildan minnatdorlik bildirmoqchiman», — deya Salemakersning so‘zlarini pianetamilan.it keltirdi.

Eslatib o‘tamiz, belgiyalik futbolchi 2020 yildan buyon «Milan»ga tegishli bo‘lib, bir necha mavsumni ijara asosida boshqa klublarda o‘tkazgan.