Fransiya terma jamoasi va «PSJ»ning sobiq futbolchisi Jerom Roten Fransiya terma jamoasi hamda «Bavariya» vingeri Maykl Olisening o‘yini haqida o‘z fikrini bildirdi.

«Olise — sehrgar. Unda boshqa hech kimda yo‘q jihat bor. Uning Millatlar ligasida ikki kun oldin maydonga tushib, o‘yin taqdirini o‘zgartirganini ko‘rdik. Bu uning terma jamoa uchun qanchalik muhim ekanini ko‘rsatadi. U bizning yetakchimiz, eng yaxshi futbolchimiz.

Albatta, unda aqlbovar qilmas texnika bor. Ammo uni o‘ziga xos qiladigan jihat — jamoaviy ruhi va maydonda jamoasi uchun qilayotgan harakatlari. Hozir Olise va Yamal bor — ikkalasi ham sehrgar. Hatto Olise Yamaldan ustun, deb o‘ylayman, chunki u jamoa uchun ko‘proq harakat qiladi va jismonan ustunroq futbolchi. U — haqiqiy gavhar, Fransiyada unga g‘amxo‘rlik qilishlari kerak», — dedi Roten o‘z podkastida.

Maykl Olise Fransiya terma jamoasi safida 17 ta o‘yin o‘tkazib, 7 ta gol urgan va 10 ta golli uzatmani amalga oshirgan.