"Liverpul"ning mashhur sobiq yarim himoyachisi Stiven Jerrard o‘tgan mavsum yakunlanganidan so‘ng klubni tark etgan Muhammad Saloh haqida fikr bildirdi.
Misrlik futbolchi "qizillar" safida to‘qqiz yil o‘ynaganidan keyin erkin agent sifatida jamoadan ketdi. Avgust oyida 34 yoshli futbolchi Turkiyaning "Trabzonspor" klubi bilan shartnoma imzoladi.
"Menimcha, har bir futbolchi faoliyatini uzoq yillar porlagan klubida albatta yakunlashi shart emas. Faoliyating oxirgi bosqichiga yaqinlashganda o‘yindan zavq olish, murabbiyning ishonchini his qilish va asosiy tarkibda maydonga tushishda davom etish juda muhim.
Men ham Brendan Rodjers davrida shunga o‘xshash vaziyatda qolganman. Hech qanday xafagarchilik bo‘lmagan, shunchaki men asosiy tarkibda o‘ynashni istaganman va shuning uchun ketganman", — deya Jerrardning so‘zlarini TEAMtalk keltirdi.
Jerrard Salohni "Liverpul" tarixidagi eng buyuk futbolchilar qatoriga qo‘shgan.
Stiven Jerrardning o‘zi ham 2015 yilda mersisaydliklar safini tark etib, "Los-Anjeles Gelaksi" klubiga o‘tgan edi.
