"Ливерпуль"нинг машҳур собиқ ярим ҳимоячиси Стивен Жеррард ўтган мавсум якунланганидан сўнг клубни тарк этган Муҳаммад Салоҳ ҳақида фикр билдирди.
Мисрлик футболчи "қизиллар" сафида тўққиз йил ўйнаганидан кейин эркин агент сифатида жамоадан кетди. Август ойида 34 ёшли футболчи Туркиянинг "Трабзонспор" клуби билан шартнома имзолади.
"Менимча, ҳар бир футболчи фаолиятини узоқ йиллар порлаган клубида албатта якунлаши шарт эмас. Фаолиятинг охирги босқичига яқинлашганда ўйиндан завқ олиш, мураббийнинг ишончини ҳис қилиш ва асосий таркибда майдонга тушишда давом этиш жуда муҳим.
Мен ҳам Брендан Роджерс даврида шунга ўхшаш вазиятда қолганман. Ҳеч қандай хафагарчилик бўлмаган, шунчаки мен асосий таркибда ўйнашни истаганман ва шунинг учун кетганман", — дея Жеррарднинг сўзларини TEAMtalk келтирди.
Жеррард Салоҳни "Ливерпуль" тарихидаги энг буюк футболчилар қаторига қўшган.
Стивен Жеррарднинг ўзи ҳам 2015 йилда мерсисайдликлар сафини тарк этиб, "Лос-Анжелес Гэлакси" клубига ўтган эди.
