"PSJ" qishki transfer oynasida ukrainalik himoyachi Illya Zabarniy bilan xayrlashishi mumkin.
Zabarniy o‘z o‘yini bilan parijliklar rahbariyatini ishontira olmayapti. Shu sabab klub uni yanvar oyidayoq sotish imkoniyatini jiddiy ko‘rib chiqmoqda. Agar yaqin haftalarda ukrainalik futbolchi vaziyatni o‘z foydasiga o‘zgartira olmasa, uning klubdan ketish ehtimoli yanada oshishi mumkin.
"PSJ" Zabarniyga o‘rinbosar sifatida ko‘rib chiqayotgan futbolchilar orasida «Atletiko» himoyachisi Mark Pubil ham bor. Ispaniyalik futbolchi o‘zining jismoniy tayyorgarligi va universalligi bilan Fransiya chempionini qiziqtirmoqda. U himoyaning o‘ng qanotida ham o‘ynay oladi.
Zabarniy joriy mavsumda Fransiya chempionatida hali biror marta maydonga tushmadi. Biroq u boshqa turnirlarda 2 ta uchrashuv o‘tkazdi: «Lans»ga qarshi Superkubok bahsida (0:1) va Chempionlar ligasida «Slovan»ga qarshi o‘yinda (6:1).
Fransiya Liga 1 turnir jadvalida "PSJ" 8 ochko bilan 6-o‘rinda bormoqda. Luis Enrike shogirdlari navbatdagi uchrashuvni 10 oktyabr kuni «Le Man»ga qarshi o‘tkazadi.
