Fransiya milliy terma jamoasi yarim himoyachisi Orelyen Tchuameni 2026 yilgi jahon chempionatida o‘z imkoniyatlarini to‘liq namoyon etishiga xalaqit bergan jarohati haqida gapirdi.
Futbolchining ta’kidlashicha, u musobaqa davomida og‘riq sezganiga qaramay, maydonga tushishda davom etgan.
«Uchinchi yoki to‘rtinchi o‘yinga kelib, balki undan ham avvalroq og‘riqni his qila boshlagandim.
Bu jahon chempionati edi. Shuning uchun maydonda imkoni boricha yaxshi o‘ynash uchun qo‘lingdan kelgan barcha ishni qilishga harakat qilasan», — deya Tchuamenining so‘zlarini keltiradi GFFN.
Futbolchi musobaqadagi ishtirokini davom ettirish qarorini Fransiya terma jamoasi tibbiy shtabi bilan maslahatlashganidan so‘ng qabul qilgan.
«Shunday vaziyatlar bo‘ladiki, bor kuchingni ishga solishing kerak. Keyinchalik buning badalini to‘lashimga to‘g‘ri keldi. Ammo bu mening tariximning bir qismi va hech narsadan afsuslanmayman», — dedi yarim himoyachi.
Tchuameni jahon chempionatida Fransiya terma jamoasining dastlabki uchta uchrashuvida ishtirok etgan.
Keyinchalik u Paragvayga qarshi 1/8 final bahsini va Marokash bilan o‘tkazilgan chorak final uchrashuvini o‘tkazib yuborgan.
Yarim finalda yarim himoyachi yana asosiy tarkibga qaytgan, biroq Fransiya terma jamoasi Ispaniyaga mag‘lub bo‘lgan.
