Франция миллий терма жамоаси ярим ҳимоячиси Орельен Тчуамени 2026 йилги жаҳон чемпионатида ўз имкониятларини тўлиқ намоён этишига халақит берган жароҳати ҳақида гапирди.

Футболчининг таъкидлашича, у мусобақа давомида оғриқ сезганига қарамай, майдонга тушишда давом этган.

«Учинчи ёки тўртинчи ўйинга келиб, балки ундан ҳам аввалроқ оғриқни ҳис қила бошлагандим.

Бу жаҳон чемпионати эди. Шунинг учун майдонда имкони борича яхши ўйнаш учун қўлингдан келган барча ишни қилишга ҳаракат қиласан», — дея Тчуаменининг сўзларини келтиради GFFN.

Футболчи мусобақадаги иштирокини давом эттириш қарорини Франция терма жамоаси тиббий штаби билан маслаҳатлашганидан сўнг қабул қилган.

«Шундай вазиятлар бўладики, бор кучингни ишга солишинг керак. Кейинчалик бунинг бадалини тўлашимга тўғри келди. Аммо бу менинг тарихимнинг бир қисми ва ҳеч нарсадан афсусланмайман», — деди ярим ҳимоячи.

Тчуамени жаҳон чемпионатида Франция терма жамоасининг дастлабки учта учрашувида иштирок этган.

Кейинчалик у Парагвайга қарши 1/8 финал баҳсини ва Марокаш билан ўтказилган чорак финал учрашувини ўтказиб юборган.

Ярим финалда ярим ҳимоячи яна асосий таркибга қайтган, бироқ Франция терма жамоаси Испанияга мағлуб бўлган.