Fransiyaning yuqori divizionida ishtirok etayotgan klublar mamlakat chempionatining translyasiya huquqlariga ega bo‘lgan Ligue 1 Plus platformasi bilan kelishuvni imkon qadar tezroq bekor qilishni xohlamoqda.
Bu haqda L’Équipe nashri xabar berdi.
Ligue 1 Plus Fransiya professional futbol ligasiga tegishli translyasiya platformasi hisoblanadi.
U DAZN kompaniyasi Liga 1 o‘yinlarini namoyish etish bo‘yicha besh yillik shartnomani imzolaganidan bir yil o‘tib, kelishuvni bekor qilganidan so‘ng ishga tushirilgan.
Yangi translyasiya platformasi ikkinchi mavsumdan buyon faoliyat yuritmoqda. Biroq uning klublarga to‘layotgan mablag‘lari hamon juda kamligicha qolmoqda.
Manba ma’lumotlariga ko‘ra, aynan shu holat Fransiya futbolidagi hozirgi moliyaviy inqirozning asosiy omiliga aylangan.
Teletranslyasiya huquqlari uchun yangi tender
Noyabr oyida Fransiya chempionati o‘yinlarini namoyish etish huquqlari bo‘yicha yangi tender boshlanishi kutilmoqda.
Yangi shartnoma 2027/2028 yilgi mavsumdan kuchga kirishi rejalashtirilgan.
Liga 1 uchrashuvlarini translyasiya qilishga Canal+, RMC Sport, Netflix va Amazon Prime Video kompaniyalari qiziqish bildirishi mumkin.
Shuningdek, qonunchilikka kiritiladigan o‘zgarish yangi tenderning jozibadorligini oshirishi kutilmoqda.
Mazkur o‘zgarish translyasiya huquqlarini yagona paket sifatida sotish imkonini beradi.
