Madridning «Atletiko» klubi hujumchisi Xulian Alvares yangi agent tanladi. Avvalroq argentinalik futbolchi o‘z manfaatlarini himoya qilib kelgan Fernando Idalgo bilan hamkorlikni to‘xtatgani xabar qilingan edi.
Jurnalist Pedro Fulyananing ma’lumotlariga ko‘ra, 26 yoshli futbolchining yangi agenti «PSJ», «Roma» va Argentina terma jamoasining sobiq futbolchisi Xavyer Pastore bo‘ldi.
37 yoshli agent boshqa bir yulduz hamyurti — Enso Fernandes bilan ham ishlaydi. U sentyabr oyi boshida «Chelsi»dan «Manchester Siti»ga 145 million yevro evaziga o‘tgan edi.
Eslatib o‘tamiz, Xulian Alvares «Barselona»ga o‘tishni istagan, ammo «Atletiko» kataloniyaliklar bilan muzokara olib borishdan bosh tortgan. Mish-mishlarga ko‘ra, «Barselona» hujumchi uchun taxminan 100 million yevro taklif qilgan. Shuningdek, Alvaresning nomi Londonning «Arsenal» klubi bilan ham bog‘lanmoqda.
