Мадриднинг «Атлетико» клуби ҳужумчиси Хулиан Альварес янги агент танлади. Аввалроқ аргентиналик футболчи ўз манфаатларини ҳимоя қилиб келган Фернандо Идальго билан ҳамкорликни тўхтатгани хабар қилинган эди.

Журналист Педро Фульянанинг маълумотларига кўра, 26 ёшли футболчининг янги агенти «ПСЖ», «Рома» ва Аргентина терма жамоасининг собиқ футболчиси Хавьер Пасторе бўлди.

37 ёшли агент бошқа бир юлдуз ҳамюрти — Энцо Фернандес билан ҳам ишлайди. У сентябрь ойи бошида «Челси»дан «Манчестер Сити»га 145 миллион евро эвазига ўтган эди.

Эслатиб ўтамиз, Хулиан Альварес «Барселона»га ўтишни истаган, аммо «Атлетико» каталонияликлар билан музокара олиб боришдан бош тортган. Миш-мишларга кўра, «Барселона» ҳужумчи учун тахминан 100 миллион евро таклиф қилган. Шунингдек, Альвареснинг номи Лондоннинг «Арсенал» клуби билан ҳам боғланмоқда.