«Barselona» yarim himoyachisi Frenki de Yong faoliyatini Angliya Premyer-ligasida davom ettirishi mumkin.
Bu haqda Diario SPORT nashri xabar bermoqda.
Manba ma’lumotlariga ko‘ra, niderlandiyalik futbolchiga Londonning «Chelsi» klubi qiziqish bildirmoqda.
«Ko‘klar» Enso Fernandesni «Manchester Siti»ga sotganidan so‘ng yangi yarim himoyachi izlamoqda va de Yongni ehtimoliy variantlardan biri sifatida ko‘rib chiqmoqda.
«Barselona» rahbariyati esa qishki tanaffusgacha niderlandiyalik futbolchining holatini diqqat bilan kuzatib boradi. Hozircha klub yarim himoyachining kelajagi borasida hech bir variantni istisno qilmayapti.
Eslatib o‘tamiz, 29 yoshli Frenki de Yong 2026 yilgi jahon chempionati vaqtida jarohat olgan va shu sababli yangi mavsumda hali maydonga tushmagan.
Biroq avvalroq futbolchining mashg‘ulotlarga qaytgani ma’lum bo‘lgan edi.
De Yongning «Barselona» bilan amaldagi shartnomasi 2029 yilgacha mo‘ljallangan.
Transfermarkt portali ma’lumotlariga ko‘ra, yarim himoyachining transfer qiymati 25 million yevroga baholanmoqda.
