Londonning «Arsenal» klubi va Norvegiya milliy terma jamoasi sardori Martin Edegor terma jamoalar o‘yinlari uchun ajratilgan uzoq muddatli xalqaro tanaffus haqida fikr bildirdi.
Eslatib o‘tamiz, FIFA 2026 yilda terma jamoalarning sentyabr va oktyabr oylaridagi uchrashuvlarini yagona xalqaro o‘yinlar davriga birlashtirishga qaror qilgan edi.
«Klub mavsumi davomida terma jamoa ixtiyorida bunchalik uzoq vaqt bo‘lish odatiy hol emas.
Menimcha, bunday tanaffus tarkibi keng va kuchli futbolchilari ko‘p bo‘lgan yetakchi terma jamoalarga ko‘proq mos keladi.
Kichikroq terma jamoalarning imkoniyatlari cheklangan. Shuning uchun qisqa vaqt ichida ko‘plab uchrashuvlar o‘tkazishga to‘g‘ri keladi.
Bu formatga moslashishimiz uchun vaqt kerak bo‘ladi», — deya Edegorning so‘zlarini keltiradi Arsenal Radar.
O‘tgan xalqaro tanaffus davomida Edegor Norvegiya terma jamoasining barcha to‘rtta uchrashuvida to‘liq harakat qildi.
Biroq Stole Solbakken shogirdlari ushbu bahslarda atigi bitta g‘alabaga erishib, uch marta mag‘lubiyatga uchradi.
