«Milan»ning sobiq hujumchisi Mbaye Nyang 31 yoshida Italiya, Turkiya va Marokkodagi faoliyatidan so‘ng Fransiyada karyerasining yangi bosqichini boshlamoqda. Bir necha hafta oldin u «Genchlerbirligi» bilan shartnomasini bekor qildi va erkin agent maqomini olgach, Fransiyaning ikkinchi divizionida ishtirok etadigan «Dyunkerk» klubi bilan kelishuv imzoladi.
«Hech narsadan afsuslanmayman. Mening o‘z karyeram bo‘ldi va boshimdan o‘tgan barcha voqealar shaxs sifatida kamol topishimga yordam berdi. Liga 2 haqida o‘ylab ko‘rdim: bu menga mos variant bo‘lishi mumkinmi va hali jamoaga bera oladigan nimadir bormi? O‘yindan zavq olishda davom etishim va o‘z tajribamni boshqalar bilan bo‘lishishimga imkon beradigan loyihani izladim. Albatta, bu men uchun bir sinov», — deya Nyangning so‘zlarini keltiradi pianetamilan.it.
Eslatib o‘tamiz, «Dyunkerk» ayni paytda Fransiya Liga 2 turnir jadvalida 11-o‘rinni egallab turibdi.
