Ispaniyalik jurnalist Abraxam Romero «Real» bosh murabbiyi Joze Mourinyoning braziliyalik vinger Vinisius Junior bilan ishlashdagi psixologik yondashuvi haqida gapirdi.

Uning ta’kidlashicha, murabbiyning futbolchi bilan iliq va ishonchli munosabatlar o‘rnatishi nafaqat Vinisiusning, balki butun jamoaning salohiyatini to‘liq namoyon etishida muhim ahamiyatga ega.

«Xabi Alonso va Vinisius o‘rtasidagi munosabatlar yomonlashganida, ko‘pchilik murabbiy futbolchining barcha istaklarini ko‘r-ko‘rona bajarishi kerak, deb noto‘g‘ri hisoblagandi. Ammo masala bunda emas edi.

Gap jamoa kiyinish xonasidagi eng muhim futbolchi haqida bormoqda. U o‘z his-tuyg‘ulari orqali butun jamoani ortidan ergashtira oladi. Bu hal qiluvchi omil hisoblanadi.

Joze Mourinyo ham, undan avval Karlo Anchelotti va Alvaro Arbeloa kabi, braziliyalik futbolchi bilan samimiy va ishonchli munosabatlar o‘rnatishga ongli ravishda urg‘u berdi. Bu orqali u Vinisiusning ham, butun jamoaning ham imkoniyatlaridan maksimal darajada foydalanishni maqsad qilgan», — dedi Abraxam Romero Madrid futboli bo‘yicha insayder Ramon Alvares de Monning YouTube kanalida.