«Kalyari»ning sobiq hujumchisi, 37 yoshli Leonardo Pavoletti professional futbolchilik faoliyatini yakunlaganini e’lon qildi.
U Janluka Di Marsio e’lon qilgan maktubida faoliyatidagi eng muhim bosqichlarni yodga olib, unga katta g‘alabalar va jiddiy sinovlarni taqdim etgan futbol olami bilan xayrlashdi.
«Hayotimiz kitobga o‘xshaydi. Yillar o‘tib, uni qayta mutolaa qilsak, boshimizdan kechirgan voqealarning mazmuni boshqacha namoyon bo‘ladi.
Hozir ortga nazar tashlash uchun ayni munosib fursat», — deya Pavolettining so‘zlarini keltiradi derbyderbyderby.it.
