«Bavariya» sport direktori Maks Eberl klub hujumchi Xarri Keyn bilan yangi shartnoma bo‘yicha kelishuvga erishgani haqidagi mish-mishlarga munosabat bildirdi.
«Men ham bu haqda o‘qidim. Ammo hozircha vaziyat o‘zgarishsiz qolmoqda. Muzokaralar yaxshi ketyapti, lekin hozircha sizlarga ma’lum qiladigan yangiligimiz yo‘q», — deya funksionerning so‘zlarini keltirmoqda Bayern & Germany.
33 yoshli hujumchi joriy mavsumda barcha musobaqalarda to‘qqizta uchrashuvda ishtirok etib, sakkizta gol urdi va to‘rtta golli uzatmani amalga oshirdi.
Keynning «Bavariya» bilan amaldagi shartnomasi kelasi yozda yakuniga yetadi. Nufuzli Transfermarkt portali ekspertlari angliyalik hujumchining transfer qiymatini 60 million yevro deb baholamoqda.
