«Manchester Yunayted» bosh murabbiyi Maykl Karrik jamoaning sobiq ustozi Erik ten Xagning so‘zlariga munosabat bildirdi. Niderlandiyalik mutaxassis klub rahbariyati uni qo‘llab-quvvatlash va unga sodiq qolish borasida bergan va’dalarini buzganini ta’kidlagan edi.
Ten Xagning boshidan kechirganlari unda xavotir uyg‘otganmi, degan savolga Karrik quyidagicha javob berdi. Uning so‘zlarini The Mirror nashri keltirmoqda:
«Bu menga tegishli emas. Bu Erikning fikri. Men barcha tafsilotlarni bilmayman va ushbu vaziyatga izoh berishni to‘g‘ri deb hisoblamayman, chunki o‘sha paytda bu masalaga hech qanday aloqam bo‘lmagan».
Murabbiy klub ichida ishchan muhit saqlanib qolayotganini ta’kidladi. Shuningdek, u rahbariyatning qo‘llab-quvvatlashi borasida qo‘shimcha kafolatlarga muhtoj emasligini bildirdi.
