План бажарилади, вассалом!
| Баҳо: |
+0; -0
|
Англия Премьер-лигасига чиқиш деганда Чемпионшипдаги ҳақиқий курашни кўз олдимизга келтирамиз. Россия Биринчи дивизиони ҳақида гап кетганида эса Ўзбекистоннинг 3та етакчи клуби ҳам ҳеч нарса қила олмай қолиши мумкин бўлган лига гавдаланади.
Ўзбекистон Олий лигасида ўйнаш деганда биринчи навбатда қандай ҳаёлга борасиз? Фикри ожизимга клубларнинг молиявий томонидан бошқа нарса келгани йўқ. Мисол келтирганим Англия ва Россияда ҳам молия биринчи рақамли масала экани сир эмас. Бироқ ўша маблағ нима учун хизмат қилаётгани ҳақида бош қотириш масалани тўлиқ очиб бериши мумкин. Англия ва Россияда катта маблағ рақобатга туриб бериш учун сарф этилади. Бизда эса мажбурликдан. Жумлам ҳаддан ташқари мураккаб кўриниш олган бўлса маъзур тутинг, мақола сўнггига қадар уни соддалаштириб боришга ҳаракат қиламан.
Олий лигамизда ўз кунини ўзи кўриши мумкин бўлган клубларни биласизми? Хато мендан ўтса олдиндан узр сўрайман ва бор йўғи 4тасини санаб бераман: “Бунёдкор”, “Шўртан”, “Машъал” ва “Локомотив”. Бу клубларни ёлғизлатиб қўймайдиган ҳар қалай ҳомийси бор. Қолган клубларда вазият турлича. Шунга яраша ҳар бирида муаммо бор. “Пахтакор”, “Нефтчи”, “Олмалиқ” ва “Металлург”ни иккинчи гуруҳга киритиш мумкин. Булар Олий лигада барқарор ўйин кўрсата олади ва бу борада катта тажрибага эга. Бироқ жуда хоҳлаган тақдирида ҳам катта ҳаражат қила олмайди. Жамоаларнинг молиявий имконияти бунга йўл бермайди. “Пахтакор”дан бошқа уч клуб “олтин меёр”ини топиб бўлган. Буни Саркисян, Мирсодиқов ва Шквирин мисолида кўриш мумкин. Жамоа стабил, биринчи лигага тушиб кетмайди, етакчиларга яхшигина бош оғриғи бўлади. Қўшимчасига қиммат ўйинчи олинмайди, катта ҳаражат қилинмайди ва албатта бош мураббийнинг жамоада қолиши кафолатланади. Қайсидир маънода Лондоннинг “Арсенал” клубидаги каби вазият. “Пахтакор” эса ўзига буни раво кўра олмайди. Халқ жамоасидан халқнинг ўзи чемпионликни талаб қилиб туради. “Пахтакор”нинг ўртамиёна бўлиб қолишини керак бўлса бутун миллат хазм қила олмайди. “Насаф”, “Навбаҳор” ва “Андижон”ни қайсидир маънода чеклаб ўтишга жазм этдим. Аслида бу клублар ҳам Олий лига талабига жавоб берсада, стабил клуб бўлишда уларга тажриба етишмаётгандек. Аниқроқ қилиб айтганда, бу клубларни Олий лигада мунтазам кучли қила олиши мумкин бўлган механизм мавжуд эмас.
Бор йўғи 11та! Ундан ортиқ эмас. ПФЛ эса “калла қўйиш” борасида Зидандан қолишмайди. 2014 йил Олий лигада 16та клуб тўп суриши мумкин дейилганда қайси тамойилга асосланилгани менга қоронғу. Бироқ реал қараш билан вазиятга тушуниш қийин. Воқеалар ривожини ташқаридан кузаётганлар Олий лигада сифатли клубларни олиб қолишни пропаганда қилаётган бир пайтда, ПФЛ нимагадир асосланиб ўзига катта баҳо бермоқда. Агар бу баҳо катталарга ёқиш учун иложи йўқ планга ваъда бериш бўлса афсус-надоматдан бошқасига ярай олмаймиз. Ҳар ҳолда ПФЛ қайси механизмга асосланиб фаолият олиб бораётганини тушуниш осон эмас.
БИРИНЧИ ЛИГА КИМГА КЕРАК?
Бугун бу савол ўта долзарблиги билан ажралиб туради. Олий лигада клублар сонини камида 2тага камайтириш керак деган фикрга бир вақтлар – қолган жойларда футболга муносабат “ўлиши” қабилида жавоб қайтаришганди. Бироқ Олий лигада ўз клубига эга Жиззах, Навоий ёки Бухорода футбол гуллаб-яшнаётгани йўқ. ПФЛ ва ЎФФ ҳар қанча сунъийликдан фойдаланмасин, бари зое кетмоқда. Агар инсон кўтариши мумкин бўлган оғирлик 50 кг бўлиб, у 100 га ҳаракат қилса – албатта уятли касалга чалиниб қолади. Ҳурмачасига 50 гр кўплик қилганида 100 гр.ни кўрдим демаса ишлар чатоқ. Олий лига ҳам шунга ўхшаш нарса. Унда ўйнаш учун юқоридаги 11та жамоадан бошқаси лойиқ бўлмаса-ю, ПФЛ 16тани амалламоқчи бўлса кулгига қолади. Ёки “Бухоро” ва “Қизилқум” элитада олиб қолингани-ю, “Олмалиқ”қа Олийга тўғри йўлланма берилганига ҳеч ким кулмайдими?! Керагича кулдик, ПФЛ ичакларимизни узиш илинжида бўлмаса гўрга эди.
Биринчи лига нега керак? Бир вақтлар “Олмалиқ” Биринчи лигада ўнталикка ҳам кира олмай туриб, Олий лигага қадам қўйганди. “Локо”нинг иштаҳаси карнай эканини билардик. “Темирйўлчилар” ҳам Биринчи лига учун шунча пул сарф этмасидан Олий лига чиптаси совға қилинса ҳеч ким ҳайрон қолмасди. Аниқроқ айтганда бу тажриба бир мартта қўллаб кўрилганди. “Гулистон” Олий лигада ўйнай олмайди деган гап чиқиши билан ПФЛ раҳбари ҳамманинг оғзига уриш пайида бўлди. Пировардида нима бўлди? “Қизилқум” олиб қолинди! Бир йил аввал футбол тўплари учун пул топиб бера олмаган клуб (Марат Кабаев фикридан иқтибос) бу мавсумда ҳам Олий лигада тўп суради.
Ҳисобимизга кўра 11та клуб Олий лигада ўйнаши керакмиди? Регламент эса қўшимча 3та клубни тиркаб турибди. Демак келаси йил Биринчи лига клубларидан ҳеч бири Олий лига учун курашмайди, шундайми? Ажойиб! Бунақаси камдан-кам бўлади.
СИҲ ҲАМ, КАБОБ ҲАМ КУЙМОҚДА
Олий лига клублари учун маблағ ажратиш ҳокимият ёки қандайдир ташкилотлар хоҳишига қўйиб берилса, уларнинг тенг ярми клуб учун пул беришни тўхтатиши мумкинми? “Ҳа” деб жавоб бериш ҳам мумкин, шундайми? Натижа келтирмайдиган иш ва мажбурият эвазига Олий лигани ривожлантириш мумкинми? “Йўқ” деб жавоб бериш ҳам мумкин, тўғрими?
Олий лигада 10та клубни олиб қолишга ҳаққимиз йўқ. 14та савиясиздан 10та савиялини афзал билгани учун Австралия ОФКдан дакки эшитиб келади. 14та клубни олиб қола олмаяпмиз – ПФЛ ёрдамисиз. Ҳақиқатни айтиш эвазига “Қизилқум”ни рўйхатдан ўчириб турсак ихтиёримизда 13та клуб қолди. Қайсидир йили қайсидир лига тоқ клуб билан чемпионат ўтказгани мен учун қизиқ эмас. Бироқ 12та стабил клуб билан Осиёнинг энг кучли футбол федерациясига айланиб бораётган Қатар клублари сон жиҳатдан Ўзбекистондан камлиги учун уялиб қолаётгани йўқ! Мадомики шундай экан, Олий лигада клублар сонини кўпайтириш билан кимни ҳайрон қолдирмоқчимиз? ОФКними? Бу ташкилот комиссияси “Бунёдкор” клуби офисига маст ҳолатда келганидаёқ барчасини тушунгандик. Ўзимизними? Ўзини-ўзи ким алдаши ҳақидаги маълумот зарур бўлмаса керак-а ҳар холда!
12та клуб билан мустақиллик байрамига қадар 2та давра ўйинларини ўтказиш мумкин. Кейин эса жамоалар Россия Премьер-лигасининг 2011-2012 йилги мавсуми ва айни пайтдаги Қозоғистон Премьер-лигаси каби 2та гуруҳга бўлинади. 16та клуб билан ўйинлар сонини 32тага етказиш асосий мақсад бўлса, ўша 12та клуб билан ҳам буни амалга ошириш мумкин. Фарқили томони, 16танинг ичида савиясизлари албатта бўлади ва бу билан клублар ўйинидаги потенциал ўсмайди. 12та сара клубнинг ўзаро кураши, мустақилликдан кейинги чемпионлик учун рақобат эса мухлисларга ҳақиқий футбол тақдим этади. Қизиқ, нега ПФЛга бу жиҳат ёқмаяпти?! Ёки “Навбаҳор”ни биргина гап билан 2011 йил чемпиони қилиши мумкин бўлган кишилар газета ўқимайдими?
Ҳозир сиҳ ҳам, кабоб ҳам куймоқда. “Қизилқум”, “Бухоро” кабиларнинг сунъий равишда элитада олиб қолиниши эвазига Олий лига кулгига қолди. Биринчи лигада камроқ чиқим қилиши мумкин бўлган клублар, Олий лига учун қаердан пул топишни билмай гаранг. Бу клублар Биринчи лигадаги рақобатни ошириш учун хизмат қилиши мумкин эди, ҳеч бўлмаганда Олий лигага яна қайтиш учун. Бироқ 2012 йилда Олий лигага қайтиши мумкин бўлган клубни кўраётганим йўқ. Кўрингани орқага қайтишга қарор қилди. Бизда мана шундай: келаси йил Олий лигадаги клублар сони 16тага етказилади деган қарор – Биринчи лигадан 4та клуб Олий лигага чиқишини эмас, элита клубларининг пастга шўнғимаслигига кўпроқ шаъма қилмоқда. Агар ростдан ҳам шундай бўлиб чиқса “Қизилқум” билан “Бухоро”клубларига 2012 йил учун маблағ ажратилармикин?! Агар Биринчи лигага тушиб кетмаслик ким учундир кафолатланган бўлса, бу клубга Олий лигада нима бор?!
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 DADDY |
Сана: 14.01.2012 10:22. DADDYга ёзиш |
+0; -0
|
|
0
|
 NEFTCHI |
Сана: 13.01.2012 07:53. NEFTCHIга ёзиш |
+0; -0
|
|
0
|
 XORAZMSHOX |
Сана: 12.01.2012 01:49. XORAZMSHOXга ёзиш |
+0; -0
|
|
0
|
 SNICKERS |
Сана: 11.01.2012 21:29. SNICKERSга ёзиш |
+0; -0
|
|
0
|
 ONLINE |
Сана: 10.01.2012 18:10. ONLINEга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- Футбол — театр. Бизга сценарийсиз театр керак!
- Уларга ёрдам керак
- Миссионер Ривалдо
- План бажарилади, вассалом!
- "Қора бозор"
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
