Заруратми ё тақдир?
| Баҳо: |
+-1; -0
|
... бир кун қолди. Футбол бўйича Ўзбекистон ОТЖ ўз тарихида илк бора Олимпия ўйинларига тўғридан-тўғри қатнашиш имкониятига эга бўлиб турибди. Энди гапни буёқдан эшитинг.
Фалсафани ўқиганмиз. Ўқимаганларга-да, гал келар, бироқ бу илми хикмат билан оз-моз таниш бўлганлар кўпчиликни ташкил этади, деб умид қиламан.
Хуллас, фалсафада ажойиб категориялар бор: зарурат, сабаб, оқибат. Бўлса бўлибди-да, бизга нима дерсиз? Аммо, бироз шошилманг. Бунинг таърифи-ю, мантиғида гап кўп.
Ернинг тортишиш қонунини, ўша сиз-у биз билган бутун олам тортишиш қонунини дейман-да, ким кашф қилган? Баракалла. Исаак Ньютон. Қандай сабаб билан кашф этган? Яна топдингиз! Физик алломанинг бошига олма “тўп этиб тушган”. Шундан сўнг олим ўйлаб қолган: “Шошма, олма келиб тушди. Ниманинг эвазига?”. Мана шу тахлит саволлар қарийб уч кило келадиган мияда (лекин гап вазнда эмас, ахир бу И.Ньютоннинг мияси!) айланиб, охири “Бутун олам тортишиш қонуни”ни юзага келтирган, аниқроғи илмий парадигмага айланган. Бунинг футбол-у, фалсафа категориялари билан нима алоқаси бор деяпсизми? Салгина шошманг-да, келиб қолдик.
Алқисса, фалсафанинг зарурият категориясига кўра, инсонлар нимага эхтиёж сезишса, у албатта амалга ошади. Яъни, Ньютон қонунни заруриятдан кашф этган. Ўша пайтда инсонлар олдида ернинг тортишиш кучини аниқлаш зарурияти туғилган. Уни кашф этиш чеки эса Ньютонга тушган. Агар у қилмаса, бошқа олим қиларди ўша буюк ишни. Яна айнан ўша даврда. Сафсата эмас, фалсафа бу! Янаям соддалаштирсак бундай: олма Ньютонгача хам одамларнинг бошига тушган, хозир ҳам тушади. Нима демоқчилигимизни англаб етдингиз чамамда. Бу ёғи бошқа категориялар — сабаб ва оқибат қолди. Уларга хам жой бор. Олма тушгани — сабаб, қонунни кашф этилиши — оқибат. Бу оқибатдан бутун инсоният мамнун.
Азизлар! Қадрли футбол фанатлари! Биз айтмоқчимизки, олимпия ўйинларига чиқиш зарурияти чиндан туғилган бўлса, чиқамиз ўша, ҳар тўрт йилликнинг хос футбол байрамига. Буёғига “сабаб” Абрамов бўлсин-у, “оқибат” Лондон майдонлари бўлсин. Ич-ичимиздан хоҳлаяпмиз шуни. Жаноб Абрамовнинг “бошига олма тўп этиб тушди”. Катта ишонч билан сезиб турибмиз, бош мураббий “нега” деган саволни ҳам қўйди. Оқибатини кутамиз энди. Лондон ўзи томон тотиб турганда, тортишиш кучи бўлиб турганда, хартугул буни зарурият атасак бўлар.
Фикримизни шу жойда мухтасар қилиб қўятурайлик. Чиқамиз олимпиадага. Чиқмасак хали зўр зарурият туғилмабди. Хафа бўлмасак хам бўлади. Начора: Аямажуз олти кун, қаҳри келса — қаттиқ кун...
P.S. Юқоридагиларни ўқиб, бизга инкор айтмоқчисиз, сездик нима демоқчилигингизни. Тўғри, буни тақдир хам дейишади. Янаям лўнда айтганда пешонада бўлса чиқамиз! Бу гапда ҳам жон бор. Яъни барча нарса тақдирдан. Инкорингиз ўринли. Хали фалсафада инкорни инкор деган қонун ҳам бор. Бу хақда ўйиндан сўнг дардлашамиз! (кечирасиз, гаплашамиз, дардлашишга йўл бўлсин?!)
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 MUNIS |
Сана: 14.03.2012 09:50. MUNISга ёзиш |
+0; -0
|
|
уйиндан кейинга олиб куйганми дейманда 'дахшатидан' автор яхши маколаку
|
 ABITURIYENT |
Сана: 13.03.2012 20:15. ABITURIYENTга ёзиш |
+0; -0
|
|
Oxirgi P. S. ni o'qish yetarli ekan. Taqdirga ishonamiz. Chiqsagam taqdir, chiqomasagam taqdir. Qaysi biri hayrli ekanligini taqdirri yozgan biladi.
|
 NAVBAXOR |
Сана: 13.03.2012 19:50. NAVBAXORга ёзиш |
+0; -0
|
|
Рустам Сулаймоновни блогини бир айланиб келай, бу ерда жа бош котиб колди))
|
 FOTIX |
Сана: 13.03.2012 19:47. FOTIXга ёзиш |
+1; -0
|
|
maqolani o'qimadim
falsafadan yaxhsi bahoga imtihon toshirgan bo'lsakda ancha murakablashtirilib yuborilibdi maqola |
|
NAVBAXOR |
Сана: 13.03.2012 19:45. NAVBAXORга ёзиш |
+0; -0
|
|
Узру. бундака фалсафа палсафа деб бошни огритмасдан канкрет гаплардан езсангизчи. Тугриси "Режа"дан бошка хамма маколангиз фалсафа бупкетган.
|
 DJAYXUN |
Сана: 13.03.2012 19:21. DJAYXUNга ёзиш |
+0; -0
|
|
у уйин билан олий лига клублари орасида кучли 10 кирса хам катта гап
|
|
DJAYXUN |
Сана: 13.03.2012 19:19. DJAYXUNга ёзиш |
+0; -0
|
|
Ирок билан булган уйиндан сунг асл башараси куринди олимпиячиларимизни
|
 PIRLO |
Сана: 13.03.2012 18:25. PIRLOга ёзиш |
+0; -0
|
|
YAHYOHON
адашмасам такдир хакида бахслашилмаган, гаплашилмаганам-у |
 YAHYOHON |
Сана: 13.03.2012 18:14. YAHYOHONга ёзиш |
+0; -0
|
|
Фалсафангизни билмадиму, лекин анави такдир хакида гаплашилмайди, бахслашилмайди, ё ишонилади, ё инкор килинади. айтдим, куйдимда.
|
 ROSSONERI |
Сана: 13.03.2012 18:12. ROSSONERIга ёзиш |
+1; -0
|
|
Yo' bu safsataga o'xshavotti. :))) Olma bilan Abramovni birbiriga hich bog'lomadim. To'risi Falsafa faniga o'xshagan chunarsiz maqola.
|
 SARDORMUSAEV |
Сана: 13.03.2012 18:11. SARDORMUSAEVга ёзиш |
+0; -0
|
|
яхши езилган. муаллиф менимча фалсафадан дарс берса керак)))
|
 MOBITEL |
Сана: 13.03.2012 17:51. MOBITELга ёзиш |
+0; -0
|
|
ie
|
МУАЛЛИФНИНГ БОШҚА МАҚОЛАЛАРИ
- Футбол нашрлари ва холислик...
- Инкорни инкор ёхуд заруратми, ё, тақдир-II
- Ёлғончи фаришталар
- Заруратми ё тақдир?
- Саккизта тўлқин
- Режа
- Тартибсиз тартиб...
- Тафаккур ўйини ёхуд футболни нега севамиз?
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
