Лутфулло Турсунов
Ла Лига бўйича эксперт
“Реал”нинг олтин боши”. Узоқ кутилган чемпионлик қандай қўлга киритилди?
| Баҳо: |
+0; -0
|
Машҳур мураббий Арриго Саккининг бир гапи бор: “Ёмон ўйинларни ким ютса, ўша чемпион бўлади”. Испания чемпионатининг якунланган мавсуми бу фикрни тўла асослади. “Барселона” ўзининг ёмон ўтказган ўйинларида кўпроқ очко йўқотди, “Реал Мадрид” эса қийин баҳсларида асосий рақибига қараганда кўпроқ очко йиға олди. Охир-оқибат, шу жиҳат “Қироллик клуби”га орзиқиб кутилган чемпионликни тақдим этди.
Ла Лигада ғалаба қозониш мураккаб вазифа. Бу чемпионатда ҳар бир учрашувга жиддий ёндашиш талаб этилади. Йўқотилган исталган очко ҳал қилувчи бўлиши мумкин, барқарорлик бўлмаса, ғолибликни орзу қилиб ҳам бўлмайди. Зайниддин Зидан жамоаси, биринчи навбатда, барқарорлик эвазига бу мавсумда барча рақибларидан устун бўлди. Айнан барқарор ўйини билан “олтин дубл” (Ла Лига ва Чемпионлар Лигаси ғолиблиги) қайд этишга яқин турипти. Бунинг нақадар мураккаб вазифа эканини мадридликлар сўнгги “олтин дубли”ни бундан 59 йил олдин қўлга киритганини эслатиш кифоя. Зидан салкам 60 йиллик тўсиқни йўққа чиқаришга жуда яқин турибди.
Нега айнан Зидан? “Реал Мадрид” эмас? Мадридликлар гарчи доимо суперклуб саналиб келинган бўлса-да, барча мусобақаларда бирдек курашадиган жамоа саналмайди. Шунинг учун ҳам “Олтин требл” (бир мавсумда ҳам чемпионат, ҳам мамлакат кубоги, ҳам ЕЧЛ ғолиблиги) қайд этган Европанинг етти жамоаси орасида “Қироллик клуби”ни учратмаймиз. Дарвоқе, ушбу мавсумда Зидан жамоаси “олтин дубл” қайд этишга яқин турган бўлса, унинг ЕЧЛ финалидаги рақиби – “Ювентус” Европа футболи тарихида “олтин требл”га эришган саккизинчи жамоа бўлишга уринади.
Зиданга қайтамиз. Футбол афсонаси жамоани қабул қилиб олгач, биринчи қилган иши – футболчиларнинг жисмоний ҳолатини яхшилашга қаратилган эди. Буни у нафақат машғулотлар орқали, балки ўзининг ротациялари орқали ҳам амалга оширди. Зайниддин таркибдаги барча шогирдларига имкон қадар бир хил ўйин амалиётини бера олди. Суперклубларда кам кузатиладиган ҳолат бу. Масалан, Зиданнинг устози саналган Анчелотти бунинг буткул тескариси эди. У барча мусобақаларда асосий таркибга таянган ҳолда кураш олиб борарди. Балки шунинг учундир, барча мусобақаларда ғолиб чиқишга жамоанинг кучи етмасди. Зидан шогирдлари эса ҳозир мавсум якуни эканига қарамай, ажойиб жисмоний ҳолатда бўлиб туришибди. Бутун мавсум давомида шу темпни ушлаб тура олишди улар.
Ҳар сафар унинг қўл остида таркибдаги 18 футболчи тайёр ҳолда турди – ҳам жисмоний, ҳам руҳий, ҳам тактик жиҳатдан. Уларнинг исталгани исталган вақтда жамоасига фойда бера олди. Ҳеч бири ўйиннинг умумий суратини бузиб қўймади. Энрикенинг “Барселона”сида эса бунинг акси бўлди. Каталонияликлар очко йўқотган кўпгина баҳсларда айнан икки-уч нафар ротация вакилларининг қўпол хатолари қимматга тушди.
Бир эсланг-а, ҳатто Данило ва Коэнтрау, Касилья ёки Марианонинг жамоасига очко олиб келган ўйинлар бўлди. Иско, Начо, Хамес, Асенсио, Васкес ва Мората каби “захирачилар”нинг чемпионликдаги улушини эса гапирмаса ҳам бўлади. Уларнинг ҳар бири бир қанча муҳим голлар иштирокчиларига айланишди. Зидан уларни таркибнинг иккинчи таркиби аъзолари сифатида “ўтириб” қолишига ўзининг ротациялари орқали барҳам берди. Асосий таркиб саналган вакиллар ЕЧЛни забт этаётган бир вақтда, айнан “захирачилар” Ла Лигадаги ғолибликда кўпроқ ҳисса қўшишди.
Тенг тақсимланган куч Зиданга турли жароҳат ва дисквалификацияларни оғриқсиз ўтиб кетишига йўл очди. Исталган мураббий Бэйлдек футболчиси жароҳатдан боши чиқмай қолса, муаммо гирдобида қолган бўларди. Исталган мураббий, мавсумнинг асосий қисмини Роналдудек етакчиси сезиларли даражада бўш ўтказса, чора топа олмай қоларди. Зидан эса буни қийинчиликсиз эплади. Бензема йўғида Моратани, Роналдуни ўрнига ёш Асенсиони, Рамос ёки Марсело ёрдам бера олмаганда Начони катта саҳнага олиб чиқаверди. Бэйлнинг йўқлигида Иско ундан муҳимроқ футболчи эканига барчани ишонтириб қўйди ҳатто.
Охирги “Эл-классико”да учралган мағлубият “Реал”ни қийин аҳволга солиб қўйганди – энди жамоанинг хато қилишга ҳаққи йўқ эди. Зидан қандай йўл тутди? Кейинги ўйинда “Риасор”да бутунлай бошқа таркибни майдонга туширди. Ахир “Барселона” бу ерда очко йўқотганига кўп вақт бўлмаган эди. Ишонч билдирилган “иккинчи” таркиб ишончни тўла оқлади.
Жисмоний ҳолат, ротация ва мураббийнинг ҳар бир футболчини ўйинга руҳан ва тактик тайёрлай олиши қийин кечган ўйинларда ҳам очко олиш иконини берди. Бундай баҳсларнинг аксариятида сўнгги дақиқаларда урилган голлар жамоага якунда чемпионликни тақдим қилди.
Зидан шу вақтга қадар “Қироллик клуби”га муаммо туғдириб келган тўсиқларни, нохуш анъаналарни четга улоқтириб ташлади. Бутун жамоани бир мақсад атрофида бирлаштирди, ўз характерини сингдирди. Шу учундир у Флорентино Переснинг энг омадли мураббий-топилмасига айланди. Одатда бошқа мураббийлар ишига ортиқча аралашиб, жамоа ўйинига зарар келтириб юрган президент ҳам ўзини иккинчи планга олди. Бу мавсумда вазият тўлалигача мураббий бошқарувида бўлди. Ва шу тарзда тўғри изга тушиб олган “Реал” ўз мухлисларига кетма-кет қувончли онларни тақдим қиляпти.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- Ё шоҳсупа, ёки инқироз. “Барселона” нега айнан Валвердени танлади?
- “Реал”нинг олтин боши”. Узоқ кутилган чемпионлик қандай қўлга киритилди?
- Катта йўқотиш: “Архитектор” “Севилья”ни тарк этди
- Тактик таҳлил: "Барса"нинг 3-4-3 схемаси таваккалликми ёки устунлик?
- Иммунитет. “Барселона”ни энди тўхтатиб бўладими?
- Ла Лигада ким чемпион бўлишини “Севилья” ҳал қилади...ми?
- “Реал”нинг қарғиш теккан “10-рақам”и
- Ла Лига дардига ташхис: “Техноаллергия”
- Испания Кубоги ярим финали қуръаси "Атлетико" - "Барселона" жангини туҳфа этди!
- Тактик таҳлил: “Реал”нинг мағлубиятсиз сериясига қандай барҳам берилди?
- “Уч мавсум” синдроми?! “Барселона”га нима бўлди?
- 2016: Ла Лиганинг олтин йили
- Испания кубогига қуръа ташланди: "Барселона" – "Атлетик Б", "Реал" – "Севилья" баҳсини кузатамиз
- Ла Лига “қишки уйқу”га кетди
- "Реал"нинг 9 рекорди: Роналду уларни янгилай оладими?
- Зиданнинг мағлубиятсиз жамоаси: У бунга қандай эришмоқда?
- ЕЧЛ гуруҳ босқичи: Ла Лига жамоалари унда қандай иштирок этди?
- «Эл-класико» таҳлили: Аввалдан таслим бўлма
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
