Етмиш саккиз ёшда “Реал” клуби собиқ дарвозабони Антонио Бетанкорт оламдан кўз юмди. Бу ҳақида euro-football.ru сайти хабар қилади.
 
Бетанкорт “Реал” таркибида 1961-1971-йиллар оралиғида тўп сурган. Собиқ дарвозабон яна “Депортиво” ва “Лас-Пальмас” каби клубларда ҳам ўйнаган. Антонио олти марта Испания чемпионига айланган, икки марта “бланкос” таркибида  Миллий Кубокни ютган, Европа чемпионлари Кубоги соҳибига айланган (1965/66-йил мавсуми). 

Мавсум бўйича энг кам гол ўтказиш – 15 та гол рекорди хали ҳам айнан Бетанкорт ва “Барселона” дарвозабони Хосе Мануэл Песудога тегишли эканлигини Marca нашри маълум қилади. Антонио фаолияти давомида икки марта “Трофео Самора” (1964/65, 1966/67) совринини қўлга киритган.