"Манчестер Сити" ҳужумчиси Омар Мармуш "Барселона"нинг асосий трансфер мақсадларидан бири сифатида кўрилмоқда.
Ҳафта бошида "кўк-анорранглилар"нинг мисрлик футболчига бўлган қизиқиши ҳақида миш-мишлар тарқалган эди. Журналист Экрем Конурнинг маълумотига кўра, ҳужумчининг ўзи ҳам фаолиятини давом эттиришнинг бундай вариантига қизиқиш билдирмоқда — у келаётган ёзда "Барселона" сафига ўтишдан мамнун бўлади.
Мармушга даъвогарлар қаторида Мадриднинг "Атлетико" клуби ҳам бор. Мадридликлар Хулиан Альваресга ўринбосар қидиришмоқда. Эътиборлиси, айнан Альварес "Барселона" учун ҳужум чизиғидаги энг устувор номзод сифатида айтилмоқда.
"Transfermarkt" экспертларининг талқинига кўра, "шаҳарликлар"нинг 27 ёшли футболчиси 65 миллион еврога баҳоланмоқда.
