"Манчестер Юнайтед" бугун мавсумдаги энг яхши ўйинини намойиш қилиб берди. "Қизил иблислар" ўз майдонларида "Тоттенхэм"ни ҳар томонлама маҳв этдилар.

Бугун "МЮ" сафида барча яхши ўйнади. Айниқса, Феллайни дастлабки 2та голда бевосита иштирок этиб, ўйиннинг энг фойдали футболчиларидан бири бўлди. Баҳснинг 9-дақиқасидаёқ Кэррик Маруанни дарвозабон билан бирга бир вазиятга чиқариб юборди ва ярим ҳимоячи аниқ зарба билан ҳисобни очди. Орадан 10 дақиқа ўтиб ўйинга киритилган бурчак тўпига Феллайни бош билан берган зарба берди. Ҳимоячига тегиб қайтган Кэррик эса бош билан зарба бериб, дарвозани ишғол қилди.

Ўйиннинг 34-дақиқасига келиб эса баҳс тақдири тўлалигича ҳал бўлди. Майдон марказида рақиб футболчилари тўпни Рунига бериб қўйишди. Уэйн эса 4 ҳимоячидан ўтиб кетди ва бирга-бир вазиятда дарвозани ишғол қилди! 3:0. Уэйн Руни интернетда тарқалган видеога ишора қилиб, бокс тушган ҳолда "нокаут"га учраш орқали нишонлади.

Қолган 60 дақиқа давомида "Тоттенхэм" вазиятни ўнглашга бироз уриниб кўрди, аммо Луи ван Гал шогирдлари ўйинни тўла-тўкис назорат қилишди ва рақибга ҳеч қандай имконият беришмади.

Ушбу ғалабадан кейин "МЮ" ўз очколарини 56тага этказди. Энди улар "Манчестер Сити" (58 очко) ва "Арсенал" (57 очко)га жуда яқинлашиб олишди.

АПЛ, 29-тур
Манчестер Юнайтед – Тоттенхэм 3:0 (онлайн трансляция)
Голлар: 1:0 – 9 Феллайни, 2:0 – 19 Кэррик, 3:0 – 34 Руни.
Манчестер Юнайтед – Де Хеа, Блинд, Смоллинг, Жонс, Феллайни (Фалькао, 83), Янг, Кэррик (Рафаэл, 87), Валенсия, Эррера, Мата (Перейра, 77), Руни.
Тоттенхэм – Льорис, Дайер, Роуз, Уокер, Вертонген, Бенталеб, Мэйсон (Ламела, 64), Эриксен, Таунсенд (Дембеле, 31), Шодли (Адебайор, 79), Кейн.
Огоҳлантиришлар: Мата (32), Роуз (72).