Дам олиш кунлари Қатар юлдузлар лигасида 22-тур учрашувлари бўлиб ўтди.

“Бунёдкор”нинг 17 март кунги рақиби “Лахвия” жамоаси Тошкент сафари олдидан “Умм Салал” клубини мағлубиятга учратди. Себастьян Сория учрашувнинг 14-дақиқасида ҳисобни очган бўлса, иккинчи бўлим бошларида Муҳаммад Жидо ўртадаги мувозанатни тиклади. Бироқ 68-дақиқада Владимир Вайсс “Лахвия”га ғалаба келтирувчи голга муаллифлик қилди.

Бу мавсумдаги Қатар юлдузлар лигаси якунланишига 4 тур қолганида “Лахвия” 52 очко жамғарган ҳолда, энг асосий рақобатчиси “Ал-Садд”ни 7 очкога ортда қолдириб, мусобақа жадвалида якка пешқадамлик қилмоқда.

Қатар юлдузлар лигаси
22-тур. 14/03/2015
“ЛАХВИЯ” – “УММ САЛАЛ” 2:1 (1:0
Голлар: Себастьян Сория 14 (1:0), Муҳаммад Жидо 56 (1:1), 79.Владимир Вайсс 68 (2:1)
“Лахвия” таркиби: 40.Лекомте-Аддани, 2.Муҳаммад Муса, 4.Чико Флорес, 6.Дейм Трауре, 7.Холид Муфтаҳ, 8.Луиз Сеара, 10.Тай Хи Нам, 12.Карим Боудиаф, 23.Себастьян Сория (5.Мухаммад Раззак 20), 70.Исмоил Мухаммад (9.Абдулрахмон Мохд 69), 79.Владимир Вайсс (20.Али Хассан Аффиф 90+1)