Эртага “Бунёдкор” Осиё Чемпионлар Лигасининг гуруҳ босқичи 3-тур доирасида Қатарнинг “Лахвия” клубини қабул қилади. Бугун ҳар иккала жамоа бош мураббийлари ва футболчилари ўртасида матбуот анжумани ташкил этилди. Анжуманнинг иккинчи қисмида мезбонлар ҳимоячиси Акмал Шораҳмедов иштирок этди. “Бунёдкор” расмий твиттери анжуманни бевосита ёритиб борди.
Акмал Шораҳмедов: - Аввалги учрашувларда йўқотган очколаримизни энди тўлдиришимиз керак. “Лахвия” билан ўйинларда максимал очко йиғамиз. Вайс ва Тай Ним каби футболчиларга каттароқ эътибор қаратадиган бўлсак-да, бошқа ўйинчиларни эътибордан қочирмаймиз. Мухлисларни стадионга чорлайман. Худди аввалги учрашувдаги каби стадионга кўпроқ ишқибоз келишини истардим.
