Украина терма жамоаси ва "Милан"нинг собиқ ҳужумчиси Андрей Шевченко мураббийлик ишига ҳали тайёр эмаслигини маълум қилди.
- Фаолиятимни тугатганимга уч йил бўлди, шунинг учун футболни ўйинчи сифатида кўришим қийин кечади. Бунинг устига охирги йилларда футболга аввалгидан кўра бошқача назар билан қараганман.
- Мураббий сифатида аниқ таклифлар бўлдими?
- Ҳозирча бундай таклифларни кўриб чиқмаяпман. Аввало курсларни тугатишим керак, кейин бироз танаффус қилиб, баъзи нарсаларни аниқлаштириб олишим керак. Бунинг устига оилам, тўрт фарзандим бор, уларга эътибор ва тўғри тарбия керак", - дейди Шевченко.
