Англия чемпионатининг 29-туридан ўрин олган “Суонси” ҳамда “Ливерпуль” клублари ўртасидаги учрашувда 0:1 ҳисоби қайд этилиб, Брендан Роджерс шогирдлари ғалаба қозонди.

Биринчи бўлимда тўп назорати асосан “Суонси” томонда бўлди, аммо танаффусга қадар ҳисоб очилмади.

Ўйиннинг 68-дақиқасига келиб, “Ливерпуль“ ҳисобни очди. Жордан Хендерсон рақиб хатосидан унумли фойдаланиб, тўпни Фабиански қўриқлаётган дарвоза тўрига жойлаб қўйди. Учрашув охирига қадар, мазкур натижа сақлаб қолинди.

Ушбу ғалабадан кейин “Ливерпуль” 54 очко тўплаб, кучли тўртлик, яъни ЕЧЛга йўлланма бурувчи ўрин учун курашда давом этмоқда. Бу борадаги жамоанинг асосий рақиби “МЮ” ва учинчи ўриндаги “Арсенал” ҳам охирги турда 3:0 ҳисобларида ғалаба қозонган. Айни вақтда “Арсенал”да 57, “МЮ” ҳисобида эса 56 очко мавжуд.

Суонси – Ливерпуль 0:1 (0:0, 0:1)

Гол: 0:1 – 68 Хендерсон.

Суонси – Фабианьски, Уильямс, Тэйлор, Амат, Нотон, Шелви, Корк, Сигурдссон (Эмнес, 89), Ки Сон Ен (Дайер, 80), Раутлеж (Монтеро, 73), Гомис.

Ливерпуль – Миньоле, Морено (Жеррард, 64), Шкртел, Сако, Стерлинг, Хендерсон, Жан, Лаллана (Жонсон, 88), Аллен, Коутиньо, Старриж.

Огоҳлантиришлар: Хендерсон (6), Стерлинг (26), Морено (50).