Осиё Чемпионати саралаш баҳсларига тайёргарлик кўраётган Ўзбекистон Олимпия терма жамоаси бугун Тошкентда йиғилди.
Пойтахтимиздаги "Ўзбекистон" меҳмонхонасида жам бўлган терма жамоамиз бугун машғулотларда иштирок этади. Эртага эса, Бахтиёр Ашурматов бошчилигидаги терма жамоамиз Бангладешга жўнаб кетади. Боиси, 23-31 март кунлари Бангладешда бўлиб ўтадиган Осиё Чемпионати саралаш «Е» гуруҳида иштирок этади. Ушбу гуруҳда Ўзбекистон U-23 ёшлари Бангладеш, Сурия ҳамда Ҳиндистон U-23 терма жамоаларига қарши баҳс олиб боради.
