Олий лига 2-тури доирасида ўтказилган "Навбаҳор" - "Металлург" учрашувида мезбонлар сўнгги сонияларда диққат-эътиборни йўқотишд ва якунда бир очко билан чекланишга мажбур бўлдилар.
Гарчи “Металлург” биринчи бўлиб ҳисобни очган бўлсада, Аҳмедов ва Жабборовлар Зиёвиддиновнинг голидан қолишмайдиган чиройли голлар муаллифига айланишганди. Биринчи бўлимни ўзида ҳисобда олдинга чиқиб олишга эришган наманганликлар якунда ғалабани ушлаб қола билишмади. Сўнгги сонияларда белгиланган пенальти баҳсни дуранг билан якун топишига сабаб бўлди.
Шу ўринда ўйинни кескин ва муросасиз ўтганлигини эътироф этиш жоиз. Айнан шу сабабли, Дилшод Жабборов ва Раҳматилло Бердимуродовлар майдонни жароҳат олган ҳолда тарк этишди. Жабборовнинг ўрнига Сергей Георгиев сафга қўшилган бўлса Бердимуродов учрашув охирларида жароҳат олганлиги боис жамоамиз баҳсни камчиликда якунлашга мажбур бўлди. Айнан шу жиҳат ҳам қайсидир маънода "Навбаҳор" ғалабасига тўсқинлик қилди. Сабаби сон жиҳатидан устунликка эришган “Металлург” футболчилари ўйин охирида ҳужумга зўр беришди ва пенальти ишлашга муваффақ бўлишди.
Жабборовнинг жароҳати у қадар жиддий бўлиб чиқмади. Лекин, Бердимуродовнинг олган жароҳати жиддий бўлиб чиқди. Ҳозирча уни қанча муддат ичида майдонга қайтиши номаълум.
Олий лига, 2-тур
“Навбаҳор” – “Металлург” – 2:2 (2:1).
20 март. Наманган. “Марказий” ўйингоҳ. 4751 томошабин.
Ҳакамлар: Т.Тўхтасинов- 8,1, А.Маражабов – 8,4, З.Абдураҳмонов – 8,5, Р.Толибжонов - 8. Назоратчи – И.Мустафин.
«Навбаҳор»: 1. Александр Меленчук, 2. Алишер Саматов, 5. Раҳматулло Бердимуродов, 6. Суннатилла Мамадалиев (25. Муйдин Мамазулумов, 78), 7. Санъат Шихов, 8. Азим Аҳмедов, 11. Отабек Валижонов, 20. Улуғбек Бақоев (22. Шаҳбоз Эркинов, 56), 27. Роббим Ҳасанов, 29. Дилшод Жабборов (91. Сергей Георгиев, 82), 50. Юрий Рижко.
«Металлург»: 32. Суҳроб Султонов, 4. Ҳикмат Ҳошимов, 6. Дилмурод Каримов, 7. Дониёр Одилов, 9. Шаҳзодбек Нурматов, 14. Даврон Каримқулов, 15. Алишер Зиёвуддинов, 20. Мирғиёс Сулаймонов (21. Сардор Расулов, 86), 22. Мурод Тошматов, 55. Зоҳид Абдуллаев (10. Шоҳназар Норбеков, 60), 77. Саид Абдужабборов (13. Александр Ковалёв, 67).
Голлар: А.Аҳмедов (28), Д.Жабборов (42) – А.Зиёвиддинов (6), Д.Каримов (90+2-пен.).
Огоҳлантиришлар: О.Валижонов (70), Ю.Рижко (90+2) – А.Зиёвиддинов (30), М.Сулаймонов (45+2), Д.Каримов (65).
Энг яхши ўйинчилар: А.Аҳмедов – А.Зиёвиддинов.
