Халқаро футбол федерацияси (ФИФА) президенти Йозеф Блаттер Россияда 2018 йилда ўтказиладиган футбол бўйича Жаҳон чемпионати минтақадаги вазиятни барқарорлаштиради, деб ҳисоблайди. Бу ҳақда “Agence France-Presse” ахборот агентлиги хабар берди.
“Фикримча, Россиядаги жаҳон чемпионати Европанинг бу нотинч минтақасидаги вазиятни барқарорлаштиришга қодир”, дейди Блаттер.
Блаттер Россия мундиални муносиб равишда кутиб олишига ишонч билдирди ва Украинадаги вазият туфайли бу мусобақага бойкот эълон қилинишига қарши чиқди.
Блаттер, шунингдек, 2018 йилги Жаҳон чемпионати атрофида ҳаддан ташқари кўп миш-мишлар, шу жумладан мусобақани суғурталаш учун ФИФАнинг 1,5 млрд долларлик захираси ҳақидаги гаплар юргани ҳақида айтиб ўтган.
Аввалроқ ФИФА сиёсатчилардан футболга аралашмасликни сўраган эди.
