АҚШнинг Индиан-Уэллс шаҳрида якунига етиб бораётган Premier BNP Paribas Open турнирининг эркаклар ўртасидаги мусобақасида финал иштирокчилари маълум бўлди. Мукофот жамғармаси 6,267,755 долларини ташкил этувчи мусобақанинг ярим финалида дунёнинг иккинчи ракеткаси швейцариялик Рожер Федерер канадалик Милош Раонични 7:5, 6:4 ҳисобида доғда қолдирди.
Иккинчи ярим финал жуфтлигида эса сайёрамизнинг биринчи рақамли теннисчиси сербиялик Новак Жокович ҳамда британиялик Энди Маррей ўзаро муносабатларига ойдинлик киритиб олишди. Учрашувда маҳорат ўз сўзини айтди ва Жокович 6:2, 6:3 ҳисобида зафар қучди.
ЯРИМ ФИНАЛ
Новак Жокович (Сербия, 1) – Энди Маррей (Буюк Британия, 4) - 6:2, 6:3
Рожер Федерер (Швейцария, 2) – Милош Раонич (Канада, 6) - 7:5, 6:4
ФИНАЛ: (Бугун)
НОВАК ЖОКОВИЧ (Сербия) – РОЖЕР ФЕДЕРЕР (Швейцария)
