Англия Премьер-лигаси пешқадами "Челси" навбатдаги турда катта қийинлик билан ғалаба қозонди.

Ўйиннинг 9-дақиқасига келиб Моуриньо шогирдлари "Халл Сити" жамоаси дарвозасига 2та тўп йўллашди (Азар ва Диего Коста). Ўйин тақдири ҳал бўлгандек кўринганди, аммо "йўлбарслар" бир пасда ҳисобни тенглаштиришди-қўйишди. 26-дақиқада чап қанотдан еткзилган узатмани Ал-Муҳаммадий дарвозага йўллади. Орадан 2 дақиқа ўтиб эса Куртуанинг қўпол хатосидан сўнг Эрнандес дарвозани ишғол қилди.

"Халл Сити" лондонликларга жиддий қаршилик кўрсатишди. Ҳаттоки иккинчи бўлимда мезбонлар уюштирган ҳужум пайтида Тибо Куртуа 3 марта сэйв намойиш қилишига тўғри келди. Моуриньо ўйинчи алмаштиришда топқирлик қилди. Майдон тушганига 2 дақиқа бўлган Лоик Реми "Халл Сити" дарвозасини ишғол қилди.

Ушбу ғалабадан кейин захирасида битта қўшимча ўйин бўлган "Челси" "Сити" билан орадаги 6 очколик фарқни сақлаб қолди.

АПЛ, 30-тур
Халл – Челси 2:3 (2:2)
Голлар: 0:1 – 2 Азар, 0:2 – 9 Диего Коста, 1:2 – 26 Аль-Мухаммади, 2:2 – 28 Эрнандес, 2:3 – 77 Реми.
Халл – Макгрегор, Брюс, Робертсон (Алуко, 81), Доусон, Макшейн, Рамирес (Брэйди, 80), Ливермор, Мейлер (Куинн, 80), Ал-Муҳаммадий, Н`Дойе, Эрнандес.
Челси – Куртуа, Иванович, Терри, Кэйхилл, Филипе Луис, Фабрегас, Матич, Рамирес (Оскар, 61), Виллиан (Зума, 80), Азар, Диего Коста (Реми, 75).
Огоҳлантиришлар: Кэйхилл (13), Матич (89).