Тошкент, 23 март - Кеча "Локомотив" ўз майдонида "Нефтчи"ни қабул қилиб, 1 :1 ҳисобида дуранг ўйнади. ТТЙМИ стадионида бўлиб ўтган бу ўйинни "Локо"нинг собиқ футболчиси Фозил Мусаев ҳам кузатиб борди.
Биласиз, Мусаев ҳозирда Эрон чемпионатининг "Сепахон" клубида фаолият олиб боряпти. Ҳозир Эронда ҳам худди биздаги каби клублар учун қисқа танаффус юзага келган. Чунки Эрон терма жамоаси шу кунларда иккита ўртоқлик учрашувида майдонга тушади. "Сепахон" охирги учрашувни 16 март куни ўз майдонида "Падидеҳ" билан ўтказиб, 1:0 ҳисобида ғалаба қозонди. Жамоа навбатдаги баҳсни 4 апрель куни ўтказади. Фозил Мусаев эса эртага Эронга жўнаб кетади.
