Кеча Қатар пойтахти Доҳа шаҳрида пляж футболи бўйича Осиё чемпионати старт олди. Хабар берганимиздек, Ўзбекистон терма жамоаси ҳам ушбу қитъа чемпионатида иштирок этади. Режага кўра, Аҳад Юсупов шогирдлари “С” гуруҳидаги илк ўйинни кеча Фаластинга қарши ўтказишлари керак эди. Лекин Фаластин терма жамоаси Доҳага келмади ва бу гуруҳда 3 та жамоа қолди.
Гуруҳимизда бўлиб ўтган кечаги ягона ўйинда эса БАА терма жамоаси Ироқдан 7:5 ҳисобида устун келди. Бугун терма жамоамиз гуруҳдаги асосий рақиби БАА билан ҳисоб-китоб қилади. Эртага эса соҳил футболи вакилларимиз Ироқ терма жамоаси билан муносабатларига ойдиндик киритиб олишади.
Эслатиб ўтамиз, 28 мартга қадар давом этадиган Осиё чемпионати шу йилнинг 9-19 июль кунлари Португалияда бўлиб ўтадиган Жаҳон чемпионатига йўлланма бериши билан аҳамиятлидир. Осиё қитъаси учун 3 та йўлланма ажратилган.
КЕЧАГИ БАРЧА НАТИЖАЛАР:
“А” ГУРУҲИ
Уммон – Баҳрайн 3:2
Қатар – Лаос 5:6
“В” ГУРУҲИ
Хитой – Вьетнам 5:5 (пен. бўйича 3:2)
Япония – Қувайт 5:3
“D” ГУРУҲИ
Эрон – Ливан 3:2
