“Олмалиқ” ва “Насаф” учрашувидан кейинги  матбуот анжуманида сафардаги оғир ўйин ўз таъсирини ўтказди, дея таъкидлаб ўтди Рўзиқул Бердиев. Ҳақиқатдан ҳам “Насаф”нинг  ОЧЛ доирасидаги ўйнлари осон кечгани йўқ. Устага-устак “йўл азоби” деган гаплар бор. Ёки футболчилардага “Олмалиқ”ни осон ютиш кайфияти “Насаф”нинг оёғидан тортдимикин?..

Аслида ҳозир кимнинг қандай ютгани ёки юқазгани ҳақида тўхталиш ниятида эмасмиз, балки Миллий чемпионатимиздаги айрим ижобий ҳолатларга эътибор қаратамиз.

Аввало кўз тегмасин, бу йилги миллий чемпионатимиз аввалгиларига ўхшамаяпти. Кўпчилик ўйинлардаги яхши томонга бўлган ўзгаришлардан жуда мамнун. Негаки, авваллари бу учрашувларда кимнинг қандай футбол ўйнашини олдиндан яхши билар эдик. Миллий чемпионатимиз гўё учта-тўртта жамоа учун керакдай, улардан бошқаси номига юргандек туюларди. Кеча “Олмалиқ” ва “Насаф” учрашувини томоша қилган мухлислар  ўзимизнинг футболдан ҳам роҳат олиш мумкинлигини ҳис этишди.  Юқорида айтилганидек “Насаф” сафардаги оғир ўйин сабаб эмас, балки “Олмалиқ”нинг жиддий тайёргарлиги сабаб ҳисобни бой берди (тан олиш керак). Ғолибликнинг оддий сири ҳам шунда, аслида.

Кўриниб турибди, ҳар иккала жамоада ҳам тайёргарлик ёмон эмас. Бир нарсани алоҳида таъкидлаш жоиз, мағлуб жамоа бу ўйиндангина хулоса чиқармаслиги лозим. “Насаф”нинг  бугунги кундаги бор эътибори ОЧЛ гуруҳ босқичидан чиқишга қаратилиши керак деб ўйлаймиз.

Хулоса оддий, “Олмалиқни” чин ғалаба билан табриклаган ҳолда “Насафга” кейинги ўйинларда омад тилаб қоламиз.

Икромжон МАНСУР