"Энфилд"да кечган "Ливерпуль" - "МЮ" учрашувида (1:2) Крис Смоллинг Марио Балотеллини қаттиқ туртиб юборди ва италиялик футболчи реклама тўсиғи ҳамда мухлислар томон учиб кетди.
Балотелли ўзини хафа қилган футболчидан "ўч"ини олмоқчи бўлиб шайланганда "Ливерпуль" мухлислари уни қайтариб қолишди.
Шон Лезербэроу (фотода қора кўзойнакли) ҳужумчи узоқ вақт эслаб юрадиган ишни қилди ва ўйиндан сўнг бу вазиятни изоҳлаб берди.
"Марионинг битта сариқ карточкаси борлигига диққатимни қаратдим. Агар у рақибига ташланганда иккинчи сариқни ҳам олар эди. Мен уни рақиби билан жанжаллашмаслиги учун ушлаб турдим. У менга бир неча марта "ок" деди. Мен ўзим унчалик бақувват эмасман, менга уни ушлаб туришда ёрдам беришди.
Англия кубоги яримфиналида севимли жамоамни кўришни жуда истаган эдим, ахир яқинда оилам билан Австралияга кўчиб кетаман. Ўғлимга "Балотелли" деб ёзилган футболка олиб бераман. Бу воқеа хотирамизда узоқ вақт қолади", - дейди Лезербэроу.