“Вольфсбург” жамоаси ҳимоячиси Марсель Шафер жамоадоши Кевин де Брюйненинг клубдаги фаолияти ҳақида илиқ фикрларни билдириб ўтди.

- Кевин “Вольфсбург”да қолиши керак. Сабаби келаси мавсумда биз чемпионлар лигасида иштирок этамиз ва асосий соврин учун керашамиз. Кевин каби моҳир ва иқтидорли футболчилар эса ана шу вазифани бажаришда керак бўлади. Уни Бундеслиганинг энг зўр футболчиси десам, хато бўлмайди. Статистика ҳам сўзларимнинг далолатини акс эттиради, - ҳимоячи сўзларини келтиради goal.com нашри.

Таъкидлаш жоизки, Кевин де Брюйне хизматларига Манчестер шаҳрининг иккала жамоаси қизиқмоқда. Жорий мавсумда 23 ёшли бельгиялик футболчи Германия чемпионатида 26 учрашувда майдонга тушиб, 9 та гол ва 16 та голли узатмага муаллифлик қилган. Футболчининг “бўрилар” билан амалдаги шартномаси 2019 йилгача давом этади.