Тошкентнинг “Бунёдкор” жамоаси 8 апрель куни Доҳада “Лахвия” клуби билан куч синашади.

2015 йилги Осиё Чемпионлар лигаси “А” гуруҳи 4-тур доирасидаги “Лахвия” – “Бунёдкор” учрашувини бошқариб борувчи ҳакамлари маълум бўлди. Унга кўра, баҳсда уммонлик ҳакамлар гуруҳи хизмат қилади. Бош ҳакам Абдуллоҳ Ал-Ҳилоли 1970 йилда таваллуд топган бўлиб, халқаро фаолиятини 2002 йилда бошлаган. Ушбу ҳакам бунгача “қалдирғочлар” иштирокидаги битта учрашувда ишлаган. 2012 йилги Осиё Чемпионлар лигаси чорак финали биринчи учрашувлари доирасидаги “Аделаида Юнайтед” – “Бунёдкор” (2:2) баҳсида айнан Абдуллоҳ Ал-Ҳилоли бошқариб борган эди.

Шунингдек, уммонлик ушбу ҳакамлар бригадаси жорий йилги “Насаф” – “Трактор Сози” баҳсида ҳам ишлашди.

Осиё Чемпионлар лигаси-2015
“А” гуруҳи. 4-тур. 8 апрель
Доҳа. “Абдуллоҳ Бин Ҳалифа” стадиони. Соат 21:30 (Тошкент вақти)
“ЛАХВИЯ” – “БУНЁДКОР”
Рефери: Абдуллоҳ Ал-Ҳилоли
Рефери асистенти 1: Ҳамид Ал-Маяҳи
Рефери асистенти 2: Муҳаммад Абдуллоҳ Муборак
Тўртинчи ҳакам: Мазарю Омар Муборак (барчаси – Оман)
Ҳакамлар эксперти: Хидоят Момбени (Эрон)
Учрашув комиссари: Кемел Токабаев (Қирғизистон)