Тошкент, 27 март - "Локомотив" бош мураббийи Вадим Абрамов шифохонадан чиқди ва бугун асосий таркиб билан машғулот ўтказди. Вадим Карленович ўзини яхши ҳис қиляпти ва соғлиги жойида.
Бугун "Локомотив"нинг асосий таркиби "Локомотив" стадионида машғулот олиб борди. Машғулотда қуйидаги футболчилар иштирок этишди: Дамир Кояшевич, Игнатий Нестеров, Бобур Тиллабоев, Марат Бикмаев, Темур Кападзе, Олег Зотеев, Неманья Яничич, Темурхўжа Абдухолиқов, Жасур Ҳасанов (катта), Жасур Ҳасанов (кичик), Дилшод Раҳматуллаев, Маъмур Икромов, Санжар Шоаҳмедов, Салим Мустафоев, Икром Алибоев.
"Локомотив"дан тўрт нафар футболчи Ўзбекистон миллий терма жамоасига чақирилган. Булар - Ислом Тўхтахўжаев, Шавкат Муллажонов, Лутфулла Тўраев ва Сардор Мирзаев. Шунингдек, уч нафар ўйинчимиз Ўзбекистон олимпия терма жамоаси билан Бангладешга жўнаб кетган. Булар - Бобур Йўлдошев, Алишер Шоғуломов ва Аброр Каримов.
"Локомотив" эртага "Машъал"га қарши назорат баҳсини ўтказади. Ўйиннинг бошланиш вақти - 11:00.
