"Реал" посбони Икер Касильяс жамоадан қуруқ қўл билан кеишни истамаяпти ва йирик миқдорда товон пули талаб қилмоқда, дея хабар беради El Confidencial.
Дарвозабоннинг 2017 йилгача тузилган шартномасига кўра, "Реал" келишув муддатидан олдин тугатилса 22 миллион евро тўлаши керак.
"Реал" аллақачон Касильясга ўринбосар топиб қўйган - унинг ўрнига "Манчестер Юнайтед" дарвозабони Давид Де Хеа келиши мумкин.
Эслатиб ўтамиз, 33 ёшли Касильяс "Реал" тарбияланувчиси ҳисобланади ва 1999 йилдан буён асосийжамоада ўйнаб келмоқда. У бугунгача 712 учрашувда иштирок этган, Испания терма жамоаси дарвозасинин 160 марта қўриқлаган.